مرحبا، اشحالكم يا حلوات؟؟ اليوم يايبتلكم مفضلاتي او المنتجات اللي استخدمتها وايد خلال شهر اكتوبر؛
Caudalie gentle buffing cream
هذا غسول وصنفرة في نفس الوقت وممتاز للويه حتى لو كانت البشرة حساسه، احس به يشل الجلد الميت ويخلي البشرة نااااعمه بدون ما يسبب لها مشاكل!! استخدمه مرتين الى ثلاث مرات في الاسبوع وهاذي ثاني علبة اشتريها، اشتريته من فرنسا بس حصلته في صيدلية ابن سينا في دبي.
Red Musk Perfume Oil from the body shop
قوية ريحته هالزيت المعطر وتثبت طوووول الوقت، ما احتاج منه الا كمية بسيطة واوزعها ع الجسم عقب الشاور والحلو انه يرطب في نفس الوقت. اشتريته من محل ذي بودي شوب في دبي. واتوقع سعره ١٠٠ درهم
Clarins lipstick , 135 Dark Cherry
جميييييل لون هالرج، احمر دافي واحس يناسب اغلب درجات البشرة والحلو فيه مع انه احمر بس هادي يعني مب الاحمر اللي يبين من بعد ميل!!! خذته من سويسرا بس موجود في اغلب ستاندات كلارنس لان رديت اشتريته كهدية من ستاند كلارينس في دبي.
Anastasia Contour Kit
هالباليت من احلا الباليتات اللي استخدمتها للكونتور والهايلات يعني صدق مب خسارة فيها كل فلس، طلبتها من تاجرة ع الانستجرام ونزلت عنها ريفيو في الانستجرام، باختصار هاذي من الاشياء اللي ما استغني عنها في مكياجي خصوصا اذا كنت حاطه مكياج سهرة او لمناسبة.
Sephora Eyeliner
ممتاز هالايلانر ووايد سهل لرسم خط ناعم ع الجفون، خصوصا للمبتدئات او اللي مب متعودة انها تحط ايلاينر بشكل دايم، فرشاته وااايد تسهل المهمة. مرات اشتريه من سيفورا ومرات ايي ويا هدايا سيفورا اللي يقدمونها يوم نشتري بمبلغ معين وتكون عدنا بطاقة سيفورا سواء البيضا او السودا، والحين بعد نزلو الذهبية!!
L'oreal Paris Lumi Magique Primer
تكلمت من قبل عن هالبرايمر الحلو، يعطي لمعة خفيفة للبشرة ومرات اخلطه ويا الفاونديشن عشان ازيد الديوي لوك او لمعة الويه، بشكل عام احب هاللوك واحس يناسب اذا حاطه ميكاب خفيف او ابا مظهر النو ميكاب لوك. اشتريته من فرنسا وللاسف ما شفته في سنتر بوينت او اي صيدلية لين الحين في دبي.
Too Faced Perfect Black Eyeliner
هالقلم وصلني ظمن مجموعة مكياج توفيسد بس ما اذكر اي مجموعة!! وايد احب اشتري هالمجموعات وتوفيسد ينزلون اشيا لا تقاوم!! المهم هالجحال عيبني سواده وحسيت انه نوعا ما ثابت، يعني مال اريع او خمس ساعات وعقب يبدا يخف بس ما يسيح برع العين.
No comments:
Post a Comment