اشحالكم يا حلوات؟ اليوم يايبتلكم مفضلات شهر يناير ٢٠١٥، وهالمنتجات هي اللي استخدمتها وايد خلال هذا الشهر واعتقد اغلبها اذا مب كلها عندي اياها من زمان بس هالشهر حبيتها زيادة!!
kiko Top Pairs Blush - 01 Desert sand and rose coral
هالبلاشات من كيوكو خذتهم من لندن من زمان واعتقد ان هالكوليكشن ليمتد ايدشن. رووعه الوان البلاشات وواضحة على الويه يعني ما احتاج منها وايد. واللونين من الدرجات اللي احب استخدمها.
Gerard Cosmetics Nude Lipstick.
ColourPop Lippie Stix Brink.
هاللونين من الدرجات العملية اللي استخدمهم دايما، طلبت روج جيرارد كوزمتكس من @laylam_ae اما روج كولور بوب فوصلني هدية من @glitzy.shop
Tarte Buffer Airbrush Finish Bamboo Foundation Brush
هالفرشاة من ماركة تارت ممتازة لتوزيع الفاونديشن سواء البودرة او السائل، حجمها كبير فتسهل توزيع المنتج وفي نفس الوقت وااايد ناعمة وسهلة في التنظيف والعجيب فيها مع انها كبيرة بس بسرعة تنشف. طلبتها من @laylam_ae
BareMinerals Ready Color Boost
هالباليت من بيرمنرالز اشتريتها من سيفورا دبي وكانت وياها فرشاة وقلوس، روووعه هالدرجات لان واحد للكونتور وواحد برونزر واللي فالنص هايلايت. حبيت تركيبة البودرة ناعمة وايد والالوان بيقمنتد.
Tony Moly Kiss Kiss Lip Scrub
ممتاز مقشر الشفايف هذا من توني مولي، يشل طبقة الجلد الميت ويخلي الشفايف ناعمة وفي نفس الوقت يرطبها. وطبعا العلبة شكلها ولا احلا! وصلني هدية من @etudehousedubai
Sigma brilliant and spellbinding eyeshadow palette
كنت طالبة هالباليت من موقع سيجما اول مانزلت. وبصراحة ممتازة جودة هالايشدوهات، عندهم مجموعات وايدة بس هالباليت بالذات حسيت ان الوانها تناسبني اكثر. اذا حابين تطلبون من الموقع بتحصلون كود خصم ١٠٪ علي يمين الصفحة.
No comments:
Post a Comment