مرحبا يا حلوات،، اشحالكم؟ اليوم بخبركم بشكل سريع عن المنتجات اللي اشتريتها مؤخرا من لاش. طبعا الكل يعرف هالمحل وان منتجاتهم طبيعية وما يستخدمون تجاربهم على الحيوانات. وااايد وااايد كنت احب هالمحل لين قبل سنتين تقريبا وما اعرف ليش قمت نادرا ما اشتري منه!! فقررت ارجع اجرب بعض الاشياء وبالتأكيد بتحصلون الريفيرهات المفضلة في اكاونتي ع الانستجرام بعد ما استخدم واخلص هالمنتجات:
RUB RUB RUB Shower Gel
هالسكراب او السنفرة لونها ازرق سنفوري حلو!! تركيبتها الاساسية ملح البحر وريحتها وااايد حلو، جربتها على ايدي في المحل وعلى طول قررت اشتريتها لان حسيت انها تنظف من الخاطر.
سعر هالعلبة ١٠٠ درهم.
RO'S ARGAN BODY CONDITIONER
كوندشنر او مرطب عميق للجسم الورد وزيت الارغان، ريحته تجننننن وبعد جربته في المحل على ايدي، عقب ما غسلت السكراب حطيت هالمرطب على ايدي وغسلته بالماي وخلا طبقة حلوة على ايدي ورطبها.
سعر هالعلبة ١٨٥ درهم.
OATIFIX Fresh Face Mask
ماسك مرطب بالموز والقمح ومفيد للبشرة الجافة لان المفروض يرطبها بعمق، خذت هالماسك لأختي عشان تجربه لان حاليا بشرتها في حالة تصحر!
سعر هالعلبة ٥٥ درهم.
AYESHA Fresh Face Mask
أما هذا الماسك اللي بالطين فخذته لي لان قالت لي اللي تبيع انه ينعم البشرة ويخليها مشدودة ويعطيها نضارة فقلت اجربه.
سعر هالعلبة ٥٥ درهم.
HONEY I WASHED THE KIDS SOAP
ما اعرف ليش بس من فترة حابه ألواح الصابون وراجعة استخدمهم بشكل دايم، ويوم شفت هالصابونة اللي بالعسل وقريت انها ترطب وتنعم قررت اضمها للكوليكشن اللي عندي.
سعر هاذي الصابونة ٥٩ درهم.
KARMA SOAP
LET THE GOOD TIMES ROLL Cleanser
هاذي الصابونة وغسول الويه عطتنا اياهم اللي تبيع هدية حقي وحق اختي، طبعا انا خذت الصابونة عشان اجربها واختي خذت الغسول. الغسول بزيت الذرة ويناسب اكثر البشرة الجافة، اما الصابونة مخلوطة بعدة توابل تساعد على الاسترخاء.
No comments:
Post a Comment