GLAMBOX October 2014 || جلام بوكس أكتوبر ٢٠١٤

https://www.glambox.me/ae-en/account/login?sid=31710

Voucher Cod : GLAMSUMAIA

وصلتني اليوم علبة جلام بوكس لشهر اكتوبر، وجلام بوكس عبارة عن خدمة شهرية تدفيعن عن اشتراك لفترة معينة (اقل شي ثلاث شهور) وكل شهر توصلج علبة فيها منتجات تجميل وعناية بالبشرة والشعر والجسم، هالمنتجات تكون خمس او ست وغالبا حجمها الديلوكس سامبل يعني وسط بين حجم السامبل العادي والحجم الكبير لها المنتج، الحلو في جلام بوكس ان كل شهر تكون فيه منتجات يديدة في السوق ومرات بعدها ما نزلت. وعندي فوق قسيمة خصم اذا حابه تشتركين.

المهم علبة شهر اكتوبر كل شي فيها عيبني:

Reveal By Calvin Klein

عطر كلفن الكلاين اليديد وصل في شنطة صغيرة ممتازة للميكاب، على طول حطيتها في شنطتي اليومية!! وعلى فكرة حلوة ريحة العطر وفرش، ما اعرف للاسف اوصف العطور!! المهم ان ريحة العطر عيبتني.

سعر العلبة الكبيرة 480 درهم. وحجمها 100ml

Caudalie Divin Oil

هاذي الماركة وايد احبها كمنتجات عناية بالبشرة والجسم واحب استخدمها لان تأثيرها ايجابي وحلو على بشرتي، هالزيت اول مرة اجربه ومكتوب عليه انه للويه والجسم والشعر كزيت مرطب. بالنسبة لي ما استغني عن الزيوت الطبيعية لان ترطيبها اقوى ويبان بسرعة. فبجرب هالزيت واشوف نتيجته.

سعر العلبة الكبيرة 164 درهم. وحجمها 100ml

OPI Nail Polish, incognito in sausalito

روووووووعة لون صبغ الآظافر هذا، وفعلا على درجات موسم الشتا ووصل في وقته. حجم العلبة كاملة وتركيبة او بي آي بشكل عام ممتازة.

سعر هالعلبة 49 درهم. وحجمها 15ml

Caudalie Vinosource S.O.S. Thirst Quenching Serum

هذا السيروم من ماركة كوديل المفروض ان يرطب البشرة بعمق واستخدامه صبح ومسا، متحمسة اجربه واشوف نتيجته.

سعر العلبة 178 درهم وحجمها 30ml

Max Factor 2000 Calorie Mascara

استانس يوم توصلني ماسكارا في علب جلام بوكس لانها من الاشياء المفضلة عندي، وهاذي الماسكارا من ماكس فاكتور حصلت جايزة افضل ا ماسكارا في فيفا بيوتي اوردز!! فالمفروض انها تكون مميزة. بجربها وبخبركم ان شاء الله.