اشحالكم يا حلوات؟ من فترة مريت سيفورا اشتريت بعض الاشياء، في منتجات من قبل استخدتها وحبيت ارجع اشتري منها وفي منتجات يديدة اول مرة اشتريها، فحابه اشاركم فيها.
SmashBox HALO HYDRATING PERFECTING POWDER
البودرة الحرة من سامش بوكس، هاذي جربتها من سنين ورجعت خذت منها الحين لاني احيدها روووعه، تغطيتها خفيفة يعني احب استخدمها فوق الفانديشن والحلو انها عبارة عن قطعة يابسة وفوق مثل المصفاة تلفينها وتطلع البودرة.
Beautyblender Solid Blendercleanser
منظف البيوتي بلندر هذا ممتاز لتنظيف الاسفنجة وحتى الفرش، جربته من قبل ووايد يعيبني وريحته بعد خفيفة وحلوة.
Benefit Cosmetics They're Real Mascara Black
الماسكارا المفضلة عندي واللي كل ما تخلص لازم ارجع اشتري منها، وايد زينه لتمشيط الرموش وتعطيها طول وكثافة، ما استغني عنها.
FORMULA X Nail Polish , White Matter
احب اصبغ الاظافر اللي من ماركة فوميلا اكس لان اللون واضح وبسرعة ينشف، جربت كذا لون من عندهم من قبل وكلهم حبيتهم.
Sephora Silver Universal Atomizer
هذا الاختراع الجميل من سيفورا تحطين فيه من عطرج المفضل او تخلطين كذا عطر وتخلينه في شنطتج او للسفر. عندي شي نفس فكرته وكنت ماخذتنه من سويسرا بس استانست انهم نزلوه عدنا في سيفورا دبي وخذته.
Smashbox Photo Finish Color Correcting Foundation Primer
برايمرات سماش بوكس لا يعلا عليها، مجربه كذا نوع من عندهم وهذا حبيت اجربه عشان يعطينه بشرة اصفى قبل الفاونديشن.
clarins skin illusion loose powder foundation, 109
طبعا انا وعشق البودرات الحرة قصة طوييييلة، وايد احبهم واحب اجرب انواع يديدة منهم. هالنوع قالت لي عنه صديقتي حصة السلطان فقلت اجربه.
Makeup Forever artist shadows
ايشدوهات ميكاب فور ايفر السنجل واللي نازله من فترة بتركيبات مختلفة، للاسف الفرع اللي سرت له ما عندهم الوان وايده فاخترت بس اللونين عشان اجربهم، وماحطيتهم في باليتات ميكاب فور ايفر لان عندي باليتات زي واللي احط فيها ايشدوهاتي السنجل.
Sephora color lip last , 04 brown is back
هالروج اللي رد لونه طبيعي شوي من ارواج سيفورا اللي ثباتها طويل فقلت اجرب واحد منهم، وعندهم والوان وايده بس خذت هالدرجة لان ادري بعمري وايد احبها واستخدمها.
