مسا الورد يا حلوات،، اليوم براويكم منتجات بعضها يديد في محل باث اند بودي وركس، او انا اول مرة اشوفها وباقي المنتجات لا موجودة من زمان.
Scented Candles
هالاشكال اول مرة اشوفهم في محل باث اند بودي وركس، وكانو ضمن العرض اللي هو اشتري اثنينه والثالثه مجانا، في روايح ثانية بس هالثلاثه اللي حبيتهم، واللي عيبني فيهم اكثر اشكالهم، حسيت ديزاين هالمجموعة وايد راقي وفخم.
سعر الحبة ٩٠ درهم.
Stress Relief Aromatherapy Body Cream, EUCALYPTUS SPEARMINT
حلوة ريحة هالكريم وفعلا تساعد على الاسترخاء، جربته بعض منتجات السترس ريليف هاذي وحبيتها وهالمرة رديت اشتريت بس كريم الجسم.
سعره ٧٥ درهم.
Sleep LAVENDER VANILLA, Pillow Mist
معطر المخدة والفراش هذا بريحة اللافندر، جميييييييل ومن اشتريته وانا كل ليلة اعطر فيه فراشي، هادية ريحته.
سعره ٥٠ درهم.
COUNTRY CHIC, Fine Fragrance Mist
معطرات الجسم من باث اند بودي وركس بشكل عام حلوة وثباتها ممتاز، هذا ريحته قويه وجربته من قبل، احب كل منتجات هالمجموعة بس هالمرة اشتريته المعطر بروحه.
سعره ٧٥ درهم.
PocketBac Sanitizing Hand Gels
كان في المحل عرض ٤ معقمات ويطلع لي ٢ مجانا، فانا وبنتي اخترنا مجموعة. وعلى فكرة معقمات باث اند بودي وركس الحلو فيها انها ما تجفف اليد وفي نفس الوقت ريحتها ممتازة.
سعر الحبة ١٥ درهم.
SEA ISLAND COTTON, Shower Gel
هالشاور جل طلع لي مجانا، اظن يوم اشتري بمبلغ اكثر عن ٥٠٠ درهم يطلع لي كوبون شاور جل من اختياري وعلى طول اخترت هذا لان مجربه ريحته من قبل واحبها.
