زيارتي لمجموهرات ليالي

اشحالكم يا حلوات؟ موضوع اليوم شوي فيه تغيير عن المكياج واتوقع اغلب الحلوات بيعيبهم لانه عن المجوهرات والذهب ! ونحن كلناااااا نحب هالسوالف..

اليوم زرت محل ليالي للمجوهرات.. عندهم ٢٠ فرع في الامارات وعمان والبحرين.

واذا حابين تعرفون اكثر عن جموهرات ليالي فانصحكم تشوفون هالفيديو 

https://youtu.be/mKx-GhdIUVg

الحلو في تصاميمهم انها واااايد متنوعه،، يعني تقدرين تختارين بين كذا تصميم سواء التصاميم الثجيله للسهرات والمناسبات او التصاميم الناعمه للاستخدام اليومي.

بعد عندهم خدمة مميزه.. ان تقدرين تدفعين بالاقساط بدال ما تدفعين مبلغ الذهب او القطعة اللي تبينها مرة وحده، يقسطون لج المبلغ لمدة ثلاث شهور او ست شهور او سنة. بس اتأكدي من الخدمة في المحل نفسه.

https://youtu.be/pZ4WOjF5IuU

والحين تعالو وياي اراويكم احلا التصاميم اللي عندهم..

Sakura Diamond Pearl Earrings

مثلا عندهم تصميم هاللولو ك حلق وتقدرين تستخدمينه بطريقتين. اما ساده للنهار مثلا،، او تلبسينه في طوق الماس نااااعم وتلبسينه لعزيمة.. يعني كأنج اشتريتي حلقين بسعر حلق واحد!

https://youtu.be/67ZgCCs00fQ

Liali Bahraini Pearls

هاذي المجموعه جمييييلة ومميزة لانها مجموعة الذهب البحريني. وشفت في مجوهرات ليالي تصاميم بالذهب البحريني واللولو ولا اروع. واتواقع انها بتناسب الحلوات اللي يفضلون هالديزاينات الثجيلة والمميزة والمستوحاه من التراث البحريني الاصيل.

https://youtu.be/iEuB7_cyjzw

Joie De Vivre

وهالتصاميم واااايد حبيتها لانها تصاميم ناعمة لكن حبات الالماس فيها واضحه وبارزة، يعني للي تحب تلبس ذهب باناقة!

https://youtu.be/HDX9UwIOAMk

Tessitore Collection

الاساور اللي مستوحاة من ايطاليا واااايد جميلة وناعمة على الايد بس في نفس الوقت قطعة مميزة وتقدرين تلبسينها في اي مناسبة.

https://youtu.be/sCzQryoUm3k

En-wrap Collection

مجموعة الخواتم اللي تقدرين تلبسينها بطريقتين، اما الخاتم اللي ف النص بروحه والخاتم اللي حوالينه بروحه بشكل ناعم وبسيط.. او تلبسينهم ويا بعض ويطلع ك قطعة فخمة وبارزة.

للاسف نسيت اصوره. بس شوفي رابط الفيديو وبتفهمين قصدي.

https://youtu.be/9mC44eOaawA

Roses for the Bride

تصاميم هاذي المجموعة معتمدة على الروز قولد او الذهب اللي مايل للوردي.. طبعا هاذي الدرجة من الذهب وااابد يحلونها الحلوات واتوقع تناسب اغلب الاذواق.. ولقيت عندهم في ليالي تصميم جميل يناسب خصوصا للعرايس او اللي تتجهز للعرس.

https://youtu.be/PnIZ2uijV3k

تصاميم الريد كاربت

هاذي التصاميم مستوحاه من المجموهرات اللي تلبسها الممثلات والعارضات خلال المهرجانات العالمية مثل كان والاوسكار.. ميزتها طبعا انها نفس التصاميم الراقية بس باسعار مناسبة. و ممكن انتي روحج اتودين لهم التصميم اللي يعيبج وهم يسوون لج اياه! شي رووعه الصراحه.

الأساور

وآخر شي مجموعة الأساور المفضلة عندي.. هاذي المجموعة جدااااا ناعمة وعملية للاستخدام اليومي.. فيها منها احجار ملونه مثل الازرق والبنفسجي والأخضر او الماس ساده.

وهاذي كانت يا حلوات بعض المجموعات اللي شفتها في محل مجوهرات ليالي وحبيت اشاركم اياها وافيدكم.. وطبعا من وحده للثانية تختلف الأذواق واكيد في المحل نفسه مجموعات اكثر .

تجربتي مع منتجات L'Oreal Revitalift Filler HA

اشحالكم يا حلوات؟ موضوع اليوم عن منتجين يداد من لوريال، نزلو مؤخرا في السوق ولوريال طرشولي هالمنتجات عشان اجربهم. كلهم للبشره بس واحد كريم والثاني سيروم بصراحه واحد منهم حبيته وناسبني والثاني ما شفت له نتايج ملحوظه! طبعا انا اتكلم من خلال تجربتي الشخصية ويا هالمنتجات اللي استخدمتها لمدة شهر ونص تقريبا، ومب شرط اللي ياناسبني يناسب غيري والعكس صحيح. 

بشرتي من عادية إلى مختلطة وحساسه، بين فترة والثانية تطلع لي حبوب بسيطه واحيانا هاذي الحبوب تخلي اثر! فغالبا احب استخدم المنتجات اللي توحد لون الشرة وتنعشها وتعطيها حيويه. فباختصار تعالو اخبركم عن رايي في منتجات لوريال!

REVITALIFT FILLER FILLER HA REVOLUMISING SERUM

هذا السيروم هو اللي ما حبيته وما حسيت انه عطاني نتايج واضحه! حسيت انه شوي جفف لي بشرتي وفي نفس الوقت ما لاحظت ان اثر عليها بشكل ايجابي، يعني انا ما عندي خطوط واضحه على البشره فما حسيت ان ساعد بشرتي. وما اعتقد ان ممكن اشتريه.

ANTI-AGEING DAY MOISTURISER REVITALIFT FILLER

أما الكريم فهذا اللي حبيته وواظبت على استخدامه. لاحظت ان يعطي البشرة نضارة اكثر وشوي شدها وخلاها منتعشه. خفيف وبسرعه تمتصه البشرة. من ناحية توحيد لون البشرة فهو ما سوى شي بس اصلا مب مذكور على العلبة ان يوحد لون البشره. 

هذا الكريم استخدمته نهار وليل وتقريبا خلصت اكثر من نصه وممكن ارجع اشتريه لان ناسبني.

طبعا منتجات لوريال متوفرة في السوبرماركت و اتوقع الصيدليات مثل بوتس.

هذا رأيي باختصار في منتجات لوريال اليديده، واللي جربتهم اتمنى تشاركنا بتجربتها سواء هني على المدونة او على الانستجرام.

مجموعة البورفشنال الجديدة من بينفت || Benefit PorFessional Collection

اشحالكم يا حلوات؟ اليوم بخبرم عن تجربتي مع مجموعة بينفت اليديده من البورفشنال. هالمجموعة موجودة حاليا في سيفورا الإمارات واتوقع انها نزلت ف الخليج.

المجموعة فيها ثلاث منتجات، واحد موجود من قبل واثنينه اول مرة ينزلونهم. والمجموعه تشتغل على المسام اللي على البشرة، يعني تساعد انها تخفف من شكل المسام الواضحه. خل اخبركم عنهم بالتفصيل.

The POREfessional Face Primer

هذا البرايمر اعتقد من انه من اول انواع البرايمرات اللي جربتها، ولين الحين ارجع له لان فعلا يساعد على تصغير شكل المسام ويعطي شكل املس للبشرة، واحيانا استخدمه بعد تحت الكونسير حوالين العين لان يساعد على تخفيف مظهر الخطوط الرفيعه في هالمنطقة. طبعا هذا المنتج اللي موجود في بنفت من قبل وضافوه في هالمجموعه لان وايد من البنات يحبونه ويستخدمونه.

The POREfessional matte rescue mattifying gel 

هذا اكثر منتج اتحمست اني اجربه اول ما نزل، لان تركيبته عباره عن جل فيعني اخف شوي من البرايمر القديم لان هذاك كريم.

المفروض انه يخفف من افرازات الدهون ويصغر من شكل المسامات واحلا ما فيه ان تركيبته ما فيها سيلكون.

مرات كنت احبه ومرات لا، لاحظت انه يختلف تأثيره على حسب الفاونديشن اللي استخدمه، يعني اذا استخدم فوق فاونديشن مات او مطفي فاتم منطقة حوالين الانف خاليه من الدهون، لان هاذي المنطقة اللي ادهن شوي في ويهي.

اما اذا كان الفاونديشن بلمعه فلا هالجل ما الاحظ انه يشتغل عدل!

لكن في كل الحالات يثبت الفاونديشن لفترة طويله ولا حسست بشرتي منه.

The POREfessional instant wipeout facial masks

اوكي هذا عبارة عن سائل في علبة بلاسيتك صغيرة، تضغطين شوي عالعلبة عشان تتحرر الحبيبات اللي داخلها وتختلط بالسائل وعقب تفتحينها. وقطعه تغطينها في السائل وعقب تمدينها على الانف والخد، يعني المناطق اللي فيها المسام تكون عادة وضحه، تحطين القطعه من الجهة الناعمة وتخلينها عشر دقايق وتشلينها وتمسحين الباقي من الجهة الخشنه. وعقب عادي ترومن تحطين البرايمر ومكياجج.

حبيت فكرة الماسك وتأثيره تجميلي مؤقت، يعني اذا عندج مناسبه او بتحطين ميكاب وايد فبينفعج هالماسك، والعلبه فيها ثمان حبات يعني كمية مناسبه. ولاحظت ان فعلا خفف من شكل المسام الواضحة.

هاذي كانت المجموعه بالكامل. اذا بتسالوني شو الشي اللي وايد حبيته من المجموعة وانصح به فهو الجل برايمر لانه خفيف وفي نفس الوقت يصغر من شكل المسام.
واللي جربت اي شي من هالمنتجات يا حلوات يا ليت تشاركنا بتجربتها!!

Happy Holidays from Benefit || هدايا الأعياد من بينفت

اليوم وصلتني هالهدايا الظريفة من بينفت لان من فترة انضميت لقائمة البيوتي بلوقرز التابعين لبينفت في الشرق الاوسط، ووايد حبيت الاشياء الحلولة اللي وصلتني، من ناحية المنتجات انا مجربتنها كلها من قبل يعني مب يديدة عليي واكيد بنزل رأيي عنها بالتفصيل على الانستجرام.

Calendar 2015

يجنننن شكل الكالندر او الرزنامة، وايد الرسومات اللي فيها ظريفة وكلها الوان بناتية، طبعا يدزاينات بينفت لا يعلى عليها في هالمجال، ولاني مصممة جرافيكس فوايد تشدني هاذي الاشياء.

benefit high brow pencil 

هالقلم ممتاز لتفيج المنطقة اللي تحت الحاوجب ع الطرف ويعطيها شكلها ناعم وينور هالمنطقة، احب مرات استخدمه بروحه او اساس لهايلايت بودرة.

benefit gimme brow

ماسكار الحواجب هاذي احبها، حواجبي اصلا غليظة فما احتاج وايد عشان ارسمها، وهالفرشاة صغيرة فتساعدني اني اتحكم بالشعر وتمشطه بسرعه.

benefit brow zings

ماشي اسهل من البودرة لرسم الحواجب، خصوصا اذا عندج فراغات بين الشعر وتبين تعطين شكل احلا وارتب للحواجب، هالعلبة فيها واكس لتثبيت الشعر وبودرة، والحلو انها ما طيحت شعر حواجبي الحمدالله.

benefit ipad case

وااايد كيوت هالشنطة الصغيرة وبستخدمها اما للايباد مع ان عندي ميني، او للاجندة الحلوة مالتي. وااايد حبيتها.

benefit brow bar mirror

احبها هالمنظرة او المرآة، عملية واحب استخدمها مرات يوم ارسم عيوني بالايلاينر، وعلى فكرة عندي منها من قبل!

Caudalie Polyphenol C15 || مجموعة كودالي بوليفينول سي ١٥ الجديدة

اشحالكم يا حلوات؟ اليوم بخبركم عن مجموعة العناية بالبشرة من ماركة كودالي Caudalie Polyphenol C15 ، والمجموعة اسمها بوليفينول سي ١٥ واللي بتطرحها ماركة كودالي الفرنسية في اسواق الامارات خلال شهر فبراير ٢٠١٥ في بوتس والصيدليات الكبيرة ومحلات سيفورا.

واجتمعت مع ممثلي الماركة وعطوني شرح وافي عن المجموعة اليديدة والمخصصة لمحاربة عوامل الاكسدة والتجاعيد. وتساعد هاذي المجموعة في المحافظة ع البشرة وحيويتها وفي نفس الوقت ما تحتاجين خطوات كبيرة او وقت طويل عشان تشوفين النتايج. المجموعة مستخلصة من ثمار العنب ومجموعة فيتامينات وحصلت ماركة كودالي براءة اختراع لها التركيبة اليديدة، ومخصصة للنساء في سن العشرينات والثلاثينات، يعني الافضل ان نحارب علامات التقدم في السن من وقت خصوصا في وقتنا الحين مع انشغالنا بالحياة والدراسة والشغل والحياة الاسرية.. وهالمجموعة تناسب كل البشرات حتى الحساسة.

بديت استخدم المجموعة من اسبوع وطبعا ما اقدر احكم عليها لين اخصلها، بس بشكل مبدئي لاحظت ان بشرتي استوت انعم وفيها حيوية اكثر.

المجموعة تتكون من:

Anti-Wrinkle Defense Serum

هذا السيروم تحطينه بعد ما تغسلين البشرة باي غسول انتي تستخدمينه، الصبح وفليل وميزته ان يتغلل في طبقات البشرة فالمفروض انه يشتغل عليها من الداخل. ما فيه عطر وخفيف بسرعة تتشربه البشرة.

سعر ال٣٠ مل - ٢٢٤ درهم.

Anti-Wrinkle Protect Fluid Broad Spectrum SPF20

كريم النهار تحطينه عقب السيروم ويساعد البشرة ان ما تطلع عليها تجاعيد يديدة ويخفف من التجاعيد القديمة، لاحظت انه خفيييف ع البشرة وميزته بعد ان فيه حماية من الشمس.

سعر ال٤٠ مل - ١٩٩ درهم.

Anti-Wrinkle Eye & Lip Cream 

كريم لمنطقة حوالين العيون والشفايف، يساعد على تخفيف الخطوط الرفيعة والسواد اللي في هالمناطق، وشوي يشدها.

سعر ال١٥ مل - ١٦٥ درهم.

Overnight Detox Oil 

الزيت الجاف لاحظت انه بسرعة تتشربه البشرة وما يخلي طبقة دهنية، ممكن تستخدمينه بروحة فليل او قبل السيروم، ولاحظت اني من بديت استخدمه انش ثاني يوم الصبح بشرتي وايد انعم.

سعر ال٣٠ مل - ١٨٩

فعالية ماركة كودالي School Of Beauty with Caudalie

اشحالكم يا حلوات؟؟ اليوم بخبركم عن فعالية كودالي اللي نظمتها ماركة كودالي في دبي لمجموعة من البيوتي بلوقرز والميكاب ارتست والمهتمات بمجال التجميل والعناية بالبشرة. بصراحة كانت فعالية جميلة فحبيت اشاركم بتفاصيلها.

الفعالية كانت في كافيه Fortnum & Mason في الداون تاون بدبي مول، رااااائع المكان وكان لنا مكان خاص في الطابق الثاني خذنا راحتنا فيه والخدمة ولا اروع.

في البداية رحبت فينا ناديا ممثلمة ماركة كودالي في الخليج

https://instagram.com/caudalie/

ونينا الجميلة من شركة العلاقات العامة الخاصة بتسويق ماركات عالمية مثل كودالي

https://instagram.com/quseqommunications/

كان الجو العام جميل بوجود هالحلوات واللي دعيتهم لحضور الفعالية،، وما قصرو لبو الدعوة:

https://instagram.com/reman_beauty/

https://instagram.com/fa6ameas/

https://instagram.com/theeloveofbeauty/

https://instagram.com/beautybyrody/

https://instagram.com/chat_with_hanan/

https://instagram.com/whatmaithasays/

https://instagram.com/homecooking/

https://instagram.com/petite_marawi/

 عرفتنا ناديا على تاريخ ماركة كودالي الفرنسية واللي موجودة من عشرين سنة وهي عبارة عن منتجات تهتم بالبشرة وتعالج مشاكلها المختلفة وحسب نوعية البشرة ممكن كل وحده تلاقى حل من كودالي.

 وميزتهم ان منتجاتهم طبيعية، و وااايد تعمتد على هالنقطة لدرجة ان فترة صلاحيتها من فتح المنتج نفسه ما تكون طويلة عشان تقل نسبة المواد الصناعية في هالمنتجات. واكيد ما عندهم تجارب على الحيوانات. وفوق كل هذا علبهم جداااااا راقية وانيقة. وعلى فكرة اغلب المنتجات مب معطرة او فيها روائح خفيفة جدا حسب تركيبة هالمنتجات.

طبعا انا مجربه وايد من منتجاتهم وشي ناسبني وشي ما ناسبني ومنزله كل تجارب عنهم على الانستجرام على حسابي

https://instagram.com/from_my_experience/

ووزعو علينا هدايا جميييلة، منتجات جربتها من قبل، ومنتجات يديدة نزلت في السوق هذا الشهر.

INSTANT DETOX MASK

هذا الماسك يديد نازل في ماركة كودالي الفرنسية، مهمته الاساسية تنظيف البشرة ويخلصها من الاوساخ المتراكمة والدهون، بعدني ما جربته وان شاء الله بس اجربه واكون رايي النهائي عنه بخبركم ع الانستجرام.

PARFUM DIVIN DE CAUDALIE

عطر يديد بعد نزل عندهم، ريحته مركزة بالمسك و الورد ولانه خالي من الكحول عادي اقدر ارشه مباشرة على الجلد ما يسبب تحسس او تغير لون الجلد. حبيته ريحته.

THÉ DES VIGNES SHOWER GEL & FRESH FRAGRANCE

من اروع منتجاتهم هالاثنينه، انا مجربتنهم من قبل الشاور جل وعطر الجسم. الريحة تجنننن وثابته اما الشاور جل فتنظيفه زين وما يجفف الجلد.

DIVINE OIL

هالزيت مثالي للجلد او الويه اوحتى الشعر، ميزته انه خفيف فبسرعه تمتصه البشرة او الشعر وما يخلي طبقة دهنية بس يرطب عدل.

BEAUTY ELIXIR

سبراي الويه هذا اللي خلاني احب ماركة كودالي من اكثر من سنة ونص!! رااااائع هالمنتج ودايما انصح كل وحده ما جربت شي من كودالي انها تجرب البيوتي اليكسر هذا. فيه طبقة زيت من فوق فلازم ترجين العلبة قبل وعقب ترشينه ع الويه وفيه ريحة خفيفة تذكرني بالسبا، مميزاته انه يرطب البشرة وينعشها عدل يعني استخدمه مرات الصبح ومرات فليل كجزء من روتين ترطيبي للبشرة، وبعد ممتاز لتثبيت المكياج يعني ارشه اخر شي ويثبته وما يخلي الويه يدهن.

روب السباحة، وجدا شكله انيق ومرتب.

ماركة كودالي موجودة في بعض افرع سيفورا والصيدليات الكبيرة مثل بوتس وابن سينا، ومتوفرة في اغلب دول الخليج.

BlogLovin

<a href="http://www.bloglovin.com/blog/14825053/?claim=kqw9k8kwxbu">Follow my blog with Bloglovin</a>

ريفيو باليت توفيسد جوكليت بون بون مع توتوريال || too faced chocolate bon bons palette + tutorial

اشحالكم يا حلوات؟ اليوم يايبتلكم فيديو مميز ويديد، عن باليت توفيسد شوكلت بون بون. بس الفيديو مب بس فيه ريفيو، لا بعد سواتشز لكل الايشدوهات و توتوريال لـ اللوك اللي انا حاطتنه. على فكرة اللوك واااايد سهل وبسيط واي وحده تقدر اطبقه.

ان شاء الله يعيبكم الفيديو واتمنى لكم يوم سعيد.

المكياج اللي استخدمته في هذا اللوك:

L.A Girl Pro Concealer, Natural + Nude

Cover Girl Outlast Stay Fabulous 3 in 1 Foundation, 857

Ben Nye Luxury Powders, Buff 

too faced chocolate bon bons palette

MadCosmetics Lashes, Loco

Anastasia Beverly Hills The Original Contour Kit - Powder

Milani Baked Blush, Dolce Pink 01

Lipstick; Anastasia Beverly Hills Liquid Lipstick, Dusty Rose + Buxom Lipgloss, Erin.

Scholl Velvet Smooth Express Pedi.. شول فيلفيت سموث إكسبريس بيدي

اشحالكم ياحلوات؟ اليوم بخبركم عن جهاز يديد من ماركة شول لتنعيم الاقدام. هذا جهاز يساعد ان يشل طبقة الجلد الميت من الاقدام ومع الاستخدام بانتظام بتلاحظين ان اقدامج وااايد انعم.

http://www.schollvelvetsmooth.com/

الجهاز عبارة عن

راس يتغير كل مدة، يعني اتوقع كل كمن شهر المفروض تغيرينه- 

-الجهاز نفسه، فيه مثل المقبض في النص يسهل استخدامه، وجهاز التشغيل في نص هالمقبظ-

-تحتاجين بطاريات AA  عشان تشغلين الجهاز

طريقة استخدامه

جدا سهلة وما ياخذ اكثر من خمس دقايق.. اغسلي الاقدام باي صاوبن او غسول جسم، جففيها، وشغلي الجهاز. مرريه على الاقدام من الخلف للامام كذا مرة.. يعني مرتين ثلاث كفاية، ورطبي الاقدام باي مرطب عندج.

انا استخدمه مرة ف الاسبوع لان احس يكفي، اما اذا عندج جلد ميت وايد فاظن تحتاجين مرتين اول كمن اسبوع، بس بعدين خلاص تكفي مرة وحدة.

ممتاز الجهاز واحس انه عملي وسريع ويغني عن اجهزة الباديكير الكبيرة، من وجهة نظري طبعا.

موجود في اغلب الصيدليات اللي تبيع منتجات شول. وفي منه هدايا لخمسة فايزين من اللي بيحظرون اطلاق هذا الجهاز بتاريخ ١٧/٤/٢٠١٥ في الجي بي ار، لا يفوووتكم.