مرحبا ياحلوات، من فترة بديت هالسلسلة اني اتكلم عن احلا المنتجات اللي جربتها من ماركة معينة، وهذا رابط الجزء الاول من سلسلة المنتجات المفضلة عندي من ماركة معينة
وماركة اليوم ستيلا، للاسف مب موجودة في سوق دبي وعادة اطلبها اونلاين من امازون او نوردستورم او اشتريها من محلات ماركس اند سبنسر في لندن.
Stila Eyeshadows
باليتات ستيلا بكل انواعها ممتازة واشهر ايشدو عندهم هو كيتن Kitten واللي من كثر ما احبه اشتريته سنجل بروحه. جربت المات والشيمر والساتن يعني كذا تركيبة من ايشدوهاتهم وكلها جودتها عالية وثباتها ممتاز، واذا ابا شي بلمعة قويه استخدم الايشدو السينجل الميتاليك فويل واللي شي منه كذا درجة بس انا غرامي الذهبي.
الايشدوهات اللي في هالصورة:
-dream in full color palette
-in the know palette
-in the garden palette
-eyes are widow palette, mind.
-Kitten single.
-magnificent metals foil finish eyeshadow single.
Smudge stick waterproof eye liner
احلا انواع اقلام الجحال من ستيلا، ووتر بروف وثباتها وايد زين والدرجات هاذي حلوة غريبة مب موجودة في اغلب الماركات.
Stay all day waterproof liquid eye liner
راس هالايلاينر مماز لرسمة الكات اي ووايد يسهل عليي اي رسمه، احس به ممتاز سواء للمبتدئة او اللي متعودة ع الايلاينر، من كثر ما احبه اخذ منه دايما باك اب حقي وحق خواتي.
illuminating face powder, W60
هاذي البودرة حلوة بروحها او فوق اي فاونديشن وتغطيتها من متوسطة إلى عالية بس فيها شوية لمعه ناعمه ما تبين وايد ع الويه. انا تعيبني لان مرات ابا جيه لمعة طبيعية ع الويه بدال ما يكون مطفي تماما.
One step correct correcteur primer
وايد مشهورة ستيلا بهالبرايمر واللي يخفف من احمرار الويه او علامات الحبوب ويهيئ البشرة للفاونديشن، يعيبني لان يوم استخدمه احس اني ما احتاج الا شوية فاونديشن وان البشرة متوحد لونها وحلو. اتوقع يناسب اغلب انواع البشرات، انا بشرتي من عادية إلي مختلطة وناسبني.
dual lip and cheek cream, lillium
بلش كريمي وخفيف وعادي احطه فوق البودرة ما يتكتل، يعيبني لونه لاني بشكل عام اميل للبلاشرات اللي على مشمي اكثر من الوردي. ثباته وايد زين ومرات بس احب احطه فوق بي بي كريم للوك طبيعي.
Color balm lipstick, evangeline
هذا تمنيت لو اني راده ماخذه منه الوان زيادة لان ترطيبه وايد عالي واللون مركز يعني ابدا ما تتوقعين ان هذا ليب بالم، حلو اللون واحب استخدمه اي وقت سواء فليل او فالنهار وناويه اطلب منه زيادة من كثر ما حبيته.
No comments:
Post a Comment