اشحالكم يا حلوات؟؟ اليوم بخبركم عن مشترياتي من سيفورا واللي خذتها عالسريع في شهر ديسبمر ٢٠١٤.
B6 Vitamin-Infused Complexion Prep Spray by Urban Decay
هالسبراي وايد اتكلمت عنه من قبل وبعدني احبه، يخفف احمرار البشرة واللي يزيد عندي في فترة الشتا والبرد، ويعطي البشرة نضارة حلوة. احب استخدمه الصبح وفليل عقب ما اخلص روتين العناية ببشرتي.
سعره ١٧٦ درهم.
benefit majorette booster blush to amplify your flush
بلاش كريمي يديد من بينفت سمعت عنه من قبل واتحمست اجربه، ريحته حلوة ولونه برتقالي على كورال مشمشي حلو نااااعم. بجربه واكيد بنزل عنه ريفيو ع الانستجرام.
سعره ١٤٥ درهم.
Peter Thomas Roth, Mini Mask Magic Kit
هالمجموعة حصلتها عند الكاشير ولاني ابدا ما جربت هاذي الماسكات من قبل قلت فكرة حلوة انهم ثلاثه ميني فبجربهم واشوف اذا ناسبو بشرتي والا لا. الحلو ان اثنينه منه يعتبرون leave on overnight يعني اقدر احطهم ع البشرة فليل لين ثاني يوم.
سعر المجموعة ٧٤ درهم.
Sephora PRO Contour Blush Brush #74
هالفرشاة الحلوة حسيت انها ممتازة حق الكونتور والبلاش، اتوقعت انها بديل عن فرشاة سيجما F05 بس لا فرشاة سيجما اكبر من هاذي. في كل الحالات بعد هاذي حجمها ممتاز وشعرها ناعم.
سعرها ١١٩ درهم.
crazy about nail sephora gift set
هاذي مجموعة طلعت لي هدية لان عندي بطاقة سيفورا السودا (عقبال ما احصل الذهبية!!) المهم الهدية فيها اشياء حلوة وعملية:
-لونين صبغ اظافر
-زيت تجفيف صبغ الاظافر السريع “هذا وااايد احبه”
-مزييلين صبغ الاظافر، واحد لليد وواحد للرجل.
-مستحضر للعناية بالاظافر والمنطقة اللي حوالينها.
No comments:
Post a Comment