السلام عليكم. واليوم بدا شهر ديسمبر الجميييل واكيد يا وقت المفضلات. هالشهر نوعت شوي في مفضلاتي بين الميكاب والعطور.
bath and body works vanilla bean noel body spray
وايد احب هالبودي سبراي وهاذي ثاني علبة استخدمها منه في شهر واحد!! عشان تعرفون لاي درجة احبه!! للاسف ان هالسبراي من مجموعة الاعياد اللي تنزل في هالفترة بس فاللي تعيبها تكود منها شراتي.
CoverGirl Lip Perfection Lipsticks
هالارواج من فترة استخدمها، اشتريتها من سويسرا، يا ليت لو خذت منهم زيادة بس حصلتهم على امازون وشكلي بطلب منهم زيادة!! لانهم ناعمات ع الشفايف ويرطبون في نفس الوقت. والوانهم وااايد حلوة خصوصا الحين لفترة الشتاء.
lorac pro palette
هالباليت الراااائعة تعرفت عليها من كمن شهر بس، لكني عشقتها وبالنسبة لي استويت ما استغني عنها ابدا. تركيبة هالايشدوهات تجننن عدت على نيكد وماك بالنسبة لي. اشتريت كمن نوع منها ولكن هاذي الاساسية ما اعيش بدونها حاليا.
Sigma 3DHD kabuki brush
هالفرشاة بالظبط مثل فرشاة F80 اللي متعوددة عليها من سيجما، غيرو الشكل صح بس تعطي نفس النتيجة، ممتازة وحلوة بس اذا عندج اف ٨٠ وما تحتاجين فرش زيادة فترا ما طافج شي. بالنسبة لي استخدم هالفرش وايد من جيه اشتريتها. واذا حابه تطلبين منها ترا اللينك وكود الخصم موجود في المدونة الصفحة الرئيسية ع اليمين.
MAC gold deposit mineralize skinfinish
هاذي اضاءة حلوة من ماك وتناسب الحنطيات والسمراوات. اذا انتي لونةج فاتح فممكن تستخدمينها فوق البرونزر. وايد تعيبني لان لمعتها هادية وحلوة حق استخدام يومي. هالعلبة اليديدة خذتها من سويسرا بس نزلوها من فترة في ماك دبي.
jo malone tuberose angelica cologne intense
هذا العطر اعتبره my signature scent !! وايد احبه وريحته على ياسمين دافية، يابتلي اياه اختي هدية ولانه مركز فما ارش منه الا شويه واتم ريحته طول اليوم.
No comments:
Post a Comment