اشحالكم يا حلوات؟ اليوم يايبتلكم روتيني الصباحي للعناية بويهي. بشرتي حاليا عادية إلى جافة شوي من بدا الشتا وعادة اطلع حبوب واللي هي حب الشباب، وهالروتين اغلبه استخدمه من حوالي شهرين ماعدا منتجين استخدمهم من اول السنة. هالمنتجات كلها انا شارتنها بفلوسي واستخدمها لانها ناسبت بشرتي. ممكن تناسب غيري وممكن ما اتناسب بس انا هني اعرض تجربتي الشخصية عن هالمنتجات. وبذكرهم بالترتيب حسب استخدامي لها المنتجات، يعني اول منتج هو اول منتج ابدا فيه:
noreva zeniac gel nettoyant purifiant
غسول الويه هذا ميزته انه ما يجفف بشرتي ويساعد امع الاستخدام المسمتر ان يخفف الحبوب وعلاماتها. واايد ارتحت منه وجربته عقب ما وصفته الدكتورة الجلدية لاختي.
اشتريته من الصيدلية.
l'occitane precious eye balm
كريم لمنطقة حوالين العيون ممتاز لترطيبها. المفروض انه يقاوم علامات الشخيوخة بس انا ماعندي مشكلة من هالناحية واشتريتها لاني قريت انه مرطب عميق لها المنطقة، وقعلا ترطيبه ناسبني سواء ف النهار او فليل.
اشتريته من محل لوكستيان.
LA ROCHE-POSAY EFFACLAR DUO[+]
CORRECTIVE UNCLOGGING CARE ANTI-IMPERFECTIONS, ANTI-MARKS
هالكريم استخدمه عشان حب الشباب، طبعا ووووووايد خف عن قبل عقب كورس الريجمن لمدة ٦ شهور واللي تكلمت عنه من قبل في المدونة. بس بين فترة والثانية تطلع لي حبة او هنتين بسبب الهرمونات او السترس. المهم ها الكريم يجفف الحبوب وتروح بدون ما تترك اي اثر. بس شوي يجفف البشرة.
اشتريته من الصيدلية.
embryolisse lait creme
استخدم هالكريم المرطب اظن من اول السنة فوق اي كريم ثاني لانه يرطب بشرتي ويعطي شكل فرش ومرتاح بدون ما يخلي ويهي دهني. هاذي ثالث علبة استخدمها منه من كثر ما احبه.
اشتريه من لندن وياليت اللي تعرف وين ينباع في اماكن ثانية غير امازون تكتب في التعليقات تحت بليز.
Clarins UV Plus HP Day Screen High Protection SPF 40
كريم الحماية من الشمس واللي بعد استخدمه من اول السنة ممتاز لحماية البشرة طول السنة، والحلو فيه انه ما يخلي طبقة دهنية ع البشرة مثل اغلب كريمات الحماية. خفيف وايد ولا اتحسس منه.
اشتريته من ستاند كلارينس.
Carmex Lip Balm Tube
خفيف مرطب الشفايف هذا وفيه نكهة النعناع اللي بشكل عام ما احبها بس مب وايد قوية النكهة فيه. المهم انه يرطب شفايفي لفترة طويلة.
اشتريه من لندن.
No comments:
Post a Comment